Nagpahigayon og feeding program alang sa mga kindergarten learners sa Barangay Cogon, Dipolog City ang mga personnel sa Dipolog City Police Station uban sa ilang mga partner organizations isip kabahin sa pagsaulog sa ika-31 nga Police Community Relations Month.
Ang kalihokan gipangunahan ni PLT Marlon H. Duran sa pakigtambayayong sa Dipolog City Islamic Center and Da’wah Center, Prime Movers for Peace and Progress (PRIMO), ug Barangay Council sa Cogon. Gipahigayon ang feeding activity sa Cogon Covered Court aron makahatag og suporta ug pag-atiman sa mga kabataan sa komunidad.
Sumala sa kapulisan, ang maong inisyatibo kabahin sa paningkamot sa pagpalig-on sa maayong relasyon tali sa kapulisan ug komunidad pinaagi sa pagdasig sa boluntaryong pag-alagad, panaghiusa, ug pag-amuma sa kaayohan sa mga kabataan.
Ang kalihokan kabahin sa serye sa mga programa atol sa Police Community Relations Month nga nagtumong sa pagpalig-on sa pagsalig ug kooperasyon tali sa kapulisan ug katawhan.(JENIFFER JR. DELICA)
Source: PNP Dipolog City Police Station