Gidawat ni City Mayor Roberto Y. Uy ang delegasyon gikan sa Local Government Unit sa Santa Catalina, Negros Occidental nga gipangulohan ni Mayor Peve O. Ligan atol sa ilang courtesy visit sa Dipolog City.
Tumong sa pagbisita ang paghisgot sa plano sa delegasyon nga magpahigayon og survey sa mga pantalan sa siyudad isip kabahin sa ilang inisyatiba sa pagsusi sa posibleng mga oportunidad alang sa economic enterprise.
Nahatagan usab og higayon ang duha ka lokal nga panggamhanan sa pagbinayloay og kasinatian ug maayong mga pamaagi sa pagpalambo sa mga pantalan, pagpasiugda sa lokal nga ekonomiya, ug pagpalig-on sa kooperasyon tali sa mga lokal nga panggamhanan.
Gilauman nga ang maong panagtagbo makatampo sa pagpalapad sa mga oportunidad sa pamuhunan ug sa pagpalig-on sa kolaborasyon tali sa Dipolog City ug Santa Catalina, Negros Occidental.(IKEN B. GULLEM)
Source: Dipolog City Government