Malampusong napahigayon ang usa ka General Assembly and Information Drive nga gidumalaan sa buhatan sa 97th Infantry (KALASAGLAHI) Battalion, 1st Infantry “TABAK” Division sa pakigtambayayong sa 902nd Community Defense Center (CDC), 9RCDG, RESCOM, Philippine Army, nga gipahigayon niadtong Pebrero 6-7 ,ning tuig sa nagkadaiyang institusyon sa edukasyon ug munisipalidad ning probinsya sa Zamboanga del Norte.
Ang maong kalihokan napatigayon sa tunghaan sa Jose Rizal Memorial State University (JRMSU) campuses sa Dipolog City ug Dapitan City, ingon man sa lungsod sa Katipunan ug Saint Joseph College of Sindangan, Incorporated(SJCSI) sa Sindangan.
Gisalmotan kini sa mga inilang opisyales sa lokal nga kagamhanan nga gilangkuban nila ni Hon. Darel Dexter T. Uy, Mayor sa Dipolog City ug Battalion Commander sa Ready Reserve Infantry Battalion (RRIB) sa Zamboanga del Norte,Hon. Seth Frederick P. Jalosjos, Mayor sa Dapitan City, Hon. Jose Michael Meiko A. Wong, Mayor sa Katipunan; ug Hon. Rosendo D. Labadlabad, Mayor sa Sindangan.
Kini nga panghitabo usa ka mahukmanon nga lakang sa pagpataas sa kahibalo bahin sa hinungdanon nga papel sa standby reserve force sa nasudnon nga seguridad ug pagtubag sa kalamidad usa ka mahinungdanon sa pagpadayon sa usa ka andam ug nakigbahin nga pwersa sa reserba aron masiguro ang kaluwasan ug kalig-on sa nasud.
Nahimong epektibo ang maong inisyatiba pinaagi sa aktibong pagpaluyo ug paghatag ug bililhong mga panabut, sa mga importanteng personahe sa militar nga sila si Lieutenant Colonel Jimmy J. Sanz, Commanding Officer sa 97th Infantry Battalion,Major Noelio S. Brigole, Executive Officer sa 97th Infantry Battalion, Colonel Patricio S. Tomales, Group Commander sa 9RCDG, RESCOM, PA,ug Lieutenant Colonel Emmanuel A. Gallo, Direktor sa 902nd CDC, 9RCDG, RESCOM, Philippine Army.
Si Colonel Tomales ug Lieutenant Colonel Gallo mihatag ug komprehensibong diskusyon kabahin sa republic act 7077, nga nailhan nga citizen armed force o Armed Forces of the Philippines Reservist Act.
Sa laing bahin, si Lieutenant Colonel Sanz ug Major Brigole naghisgot sa mga kritikal nga hilisgutan mahitungod sa West Philippine Sea, nga nagpasiugda sa estratehikong kahulogan niini ug sa mahinungdanong papel sa reserbang pwersa sa pagpanalipod sa atong nasudnong soberanya ug pagbaton og mas lawom nga pagsabot sa papel sa reservist force sa nasudnong seguridad.
Kini nagtumong usab sa paghatag sa mga nagtinguha nga sundalo og klaro ug tukma nga impormasyon bahin sa pag-apil sa AFP,pagpasalig sa kalamboan sa nasudnong siguridad pinaagi sa kolaborasyon Tali sa gobyerno ug sa nasudnong pwersa sa depensa sa nasod.(Medalyn U. Borja)
Source: 97thinfantry “KALASAGLAHI” Battalion