Malampusong napatigayon ang usa ka Basic Customer Service Skills Simenar (BCSS) pinaagi sa buhatan sa Civil Service Commission Office Region 9 Zambonga Peninsula, adlawng Myerkules Oktubre 23,2024,sa may alas 8:00 ang takna sa kabuntagon didto sa Museo ning dakbayan sa Dipolog.
Ang maong kalihokan gisalmotan ni Civil Service Commission Provincial Field Officer, Atty. Jerry N. Mayormita, CSC Administrative Officer V, Ms. Maricar Corina Canaya ug Administrative Office, Ms. Maria Celeste T. Rafal, isip mga speakers ug facilitators ug pipila ka mga partisipante naglangkob sa mga hepe gikan sa kagamhanang lokal ning dakbayan.
Tumong niini mao pag palambo sa serbisyo pinaagi sa mga kawani sa gobyerno isip kini ang nalatid nga ilang responsibilidad ngadto sa katawhan,ang pagtubag sa mga panginahanglan,ug paglugway sa epektibong serbisyo sa publiko ug sa katawhan.(Medalyn U. Borja)
Source: Dipolog City Government