Usa ka malampusong buy-bust operation ang nahimo sa mga sakop sa City Intelligence Unit ug City Drug Enforcement Unit sa Lapu-Lapu City Police uban sa PDEA-7 batok sa usa ka babaye nga giila nga “Bodegera” sa shabu.
Ang maong operation gilusad didto sa Barangay Pusok, dakbayan sa Lapu-Lapu, sa niaging tungang gabii, Oktobre 23, 2024.
Ang suspetsado giila sa mga otoridad sa alyas nga “Marie”, 39-anyos, taga Sitio San Roque, Barangay San Nicolas, siyudad sa Sugbo.
Nakuha sa iyang position ang mga binultong shabu nga adunay timbang nga 1,025 gramos ug standard drug value nga P6,970,000.00.
Nigawas sa imbestigasyon nga ang dinakpan maoy nagsilbing tigpundo sa mga ginadiling drugas sa dili pa kini ipanghatod sa ubang mga lugar.
Sa pgakakaron padayon ang imbestigasyon sa mga otoridad aron pagsuta kung si kinsa pa ang mga kaubanan sa suspetsado samtang giandam na usab ang kasong kalapasan sa Section 5 ug 11, sa Art. II sa R.A. 9165.
Photo: Contributed
I via Renante Lada and Ting Joe Pepito
RPN DYKC CEBU
675 KHZ AM BAND