Nakabsan gyud sa kinabuhi ang usa ka negosyanti human gipusil sa wala matino nga suspetsado.
Nahitabo kini pasado alas 6:00 ang takna sa kagabhion, Oktobre 22, 2024, didto sa Luray 1, Barangay Poblacion, siyudad sa Toledo, Sugbo.
Ang biktima giila sa Toledo City Police Station na mao si Harvey Marinay Tabora, 39-anyos ang panuigon, residenti sa Sitio Luray 1, Barangay Poblacion, dakbayan sa Toledo.
Sa imbestigasyon nasayran nga gikan sa dakbayan sa Sugbo ang biktima nangumpra og mga bulad sa dihang gipusil kini pag abot sa ilang balay.
Naigo kini sa makaduhang higayon na maoy hinungdan sa kamatayon sa biktima.
Sa pagkakaron padayon ang imbestigasyon sa kapulisan sa maong krimin aron pagsuta kung unsay motibo ug si kinsa ang nibuhat niini.
I via Renante Lada and Ting Joe Pepito
RPN DYKC CEBU
675 KHZ AM BAND