Gipahigayon sa Dapitan City ang Paglawig 2025, usa ka fluvial procession nga nagpasidungog kang Nuestra Señora del Pilar ug Señor Santiago Apóstol, diin personal nga miuban si Mayor Belen Uy uban sa mga deboto nga nagpakita sa ilang tinuoray nga pagtuo ug pagpasalamat.
Ang maong kalihukan usa ka halangdong pagselebrar sa tinuohan, kaisug, ug kultura sa mga Dapitanon. Samtang naglawig ang mga sakayan sa Dapitan Bay, naghiusa ang katawhan sa usa ka espirituhanong panag-uban nga nagpasigarbo sa pagkamatinud-anon sa ilang pagtuo ug sa panaghiusa sa komunidad.(JENIFFER JR. DELICA)