DAVAO CITY – Nagpasalamat si President Ferdinand R. Marcos Jr. sa mga Pilipino sa South Korea alang sa ilang kakugi, disiplina, ug positibong kontribusyon sa nasod nga ilang gipuy-an.
Gipahibalo usab sa Presidente ang pagbukas sa Philippine Consulate General sa Busan ug ang pagbutang og Social Security System (SSS) office sa Philippine Embassy sa Seoul aron mapaduol ang mga serbisyo sa gobyerno ngadto sa mga overseas Filipinos.
Gipasalig ni Marcos nga padayon ang mga programa alang sa mga Overseas Filipino Workers (OFWs) aron maprotektahan, masuportahan, ug matabangan silang makabalik ug mulampos sa Pilipinas.(Camille Santos Naraga)(Source:Presidential Communications Office (PCO)