Gipasidunggan ang lungsod sa La Libertad tungod sa kadasig ug dedikasyon ni Mayor Ricky R. Cuenca ug sa Rural Health Unit nga gipangulohan ni Dr. Alexander R. Vidal II sa pag-angkon sa duha ka dako nga kalampusan sa sektor sa panglawas.
Nadawat sa LGU La Libertad ang LGU Achiever Award for Safe Motherhood alang sa maayong paghatag og serbisyo sa maternal health—gikan sa prenatal laboratory tests, libreng ultrasound, hangtod sa kalidad nga pagpaanak ug post-natal care sa ilang 3-bed birthing facility. Dugang pa, nakahimo sa kasaysayan ang lungsod human madawat ang License to Operate Certificate gikan sa Department of Health alang sa La Libertad Primary Care Facility (La Libertad PCF), nga mao ang unang PCF sa tibuok Zamboanga del Norte.(JENIFFER JR. DELICA)