Gipahigayon ang Opening Ceremony sa Piñan District Athletic Meet 2026 niadtong Agosto 8, diin naghiusa ang mga batang atleta, coaches, teachers ug supporters sa pagsaulog sa ilang talento, sportsmanship, disiplina ug determinasyon sa natad sa sports.
Gipasiugda atol sa kalihokan ang tema nga “Unity in Sports Towards Excellence and Character Development,” nga nagtumong sa pagdasig sa mga atleta nga maningkamot dili lamang alang sa kadaugan, kundili usab sa pagpalambo sa maayong kinaiya, respeto ug panaghiusa.
Gitambongan sa mga partisipante ang maong kalihokan isip pagsuporta sa mga batan-ong atleta nga makigtigi sa nagkalain-laing sports event sa district meet.
Pinaagi sa kompetisyon, gihatagan og higayon ang mga batang atleta nga mapalambo ang ilang abilidad ug mapakita ang disiplina ug sportsmanship samtang nagrepresentar sa ilang mga eskwelahan.(JENIFFER JR. DELICA)
Source: Mayor Rommel Gudmalin