Nitubag ang Shift B EMS personnel sa Liloy Municipal Fire Station sa usa ka vehicular accident sa Barangay Fatima, Liloy, Zamboanga del Norte, ubos sa pagpanguna ni FINSP Dave C. Dela Cruz, Acting Municipal Fire Marshal.
Pag-abot sa responders, ilang nakaplagan ang pasyente nga conscious ug responsive samtang naglingkod sa daplin sa dalan. Sa inisyal nga assessment, nakit-an nga adunay daghang gagmay nga samad o abrasion sa duha ka tuhod ug tiil nga resulta sa vehicular accident.
Gitabangan dayon ang pasyente sa pagsulod sa BFP ambulance ug gihatagan og first aid. Gilimpyohan ang mga samad gamit ang povidone-iodine ug gitabonan og angay nga dressing, samtang gisukod ug girekord ang vital signs.
Gidala ang pasyente ngadto sa Liloy Integrated Health District Hospital alang sa dugang nga medical evaluation ug pagtambal. Padayon usab nga gibantayan ang iyang kahimtang atol sa transportasyon.(JENIFFER JR. DELICA)
Source: BFP R9 Liloy Fire Station