Gihisgutan sa usa ka courtesy visit ni New York-based theater director ug Miss Saigon alumnus Miguel Braganza kang Dapitan City Mayor Evelyn “Belen” T. Uy niadtong nilabay nga mga adlaw, ang preparasyon alang sa ika-134 nga Commemoration of Rizal’s Arrival in Dapitan nga pagasaulogon karong Hulyo 17.
Gipadayag ni Mayor Belen atol sa panagtigom ang importanteng kasaysayan ug mga detalye kabahin sa pag-abot ni Dr. Jose Rizal sa Dapitan niadtong 1892 nga gamiton isip pundasyon sa usa ka gipaabot nga historical musical production.
Tumong sa maong musical nga ipakita ang makasaysayanong pag-abot ni Rizal ug ang iyang produktibong kinabuhi isip exile sa Dapitan pinaagi sa malikhaing presentasyon nga magpabuhi sa kasaysayan alang sa mga manan-aw.
Mitambong usab sa maong panagtigom sila OIC City Administrator Danilo S. Areños Jr., Rizal Shrine Curator Sofia E. Bagolboc, ug CID Head Kathlyn U. Hamoy isip kabahin sa koordinasyon alang sa dakbong kasaulogan sa syudad.(JENIFFER JR. DELICA)
Source: City Information Division- Dapitan