Nanguna si Mayor Roberto Y. Uy sa opisyal nga pagbukas ug pagpanimbaya sa bag-ong H&M Building sa Tomas Claudio Street kaniadtong, Disyembre 22, 2025, usa ka hinungdanon nga lakang sa pagpalambo sa komersyal nga sektor sa siyudad.
Sa maong seremonyas, giemphasize ni Mayor Uy ang suporta sa lokal nga kagamhanan sa mga inisyatibo nga makapadagan sa negosyo ug makahatag og daghang oportunidad para sa katawhan.
Gilauman nga ang H&M Building makahatag og dugang trabaho ug serbisyo nga makabenepisyo sa komunidad.
Samtang, ang mga opisyal sa siyudad ug mga negosyante nagpahayag sa ilang panan-aw nga kini nga proyekto makadani pa og dugang investors ug mosuporta sa padayon nga kalambuan sa Dipolog.
Ang presensya ni Mayor Uy nagpanghimatuud sa iyang aktibong papel sa pagpalambo sa mga proyekto nga makapadasig sa lokal nga negosyo ug kalambuan sa komunidad, usa ka lakang padulong sa usa ka mas lig-on ug progresibong Dipolog City.(IKEN B. GULLEM)
Source: Dipolog City Government