Gipahigayon sa Provincial Statistical office ang training para sa Quarterly Aquaculture and Inland Fisheries Production Survey kanidtong Nobyembre 7, 2025, sa New Conference Room, 3rd Floor, Statistical Section, PSA Office, Dipolog City. Apil sa kalihukan ang upat (4) ka bag-ong hire nga statistical researchers, uban ni Statistical Analyst Evelyn V. Laput nga nagsilbi isip Focal Person.
Ang Quarterly Aquaculture ug Inland Fisheries Production Surveys naghatag ug importante nga datos aron masabtan ug masubay ang kahimtang sa industriya sa fisheries ug aquaculture sa nasud, nga kritikal alang sa produksyon sa pagkaon. Ang Inland Fisheries nagtigom ug datos bahin sa produksyon ug kantidad sa isda gikan sa mga inland water bodies sama sa mga suba, lanaw, ug reservoir.
Samtang, ang Quarterly Aquaculture Survey nagpunting sa datos sa aquaculture industry diin ginapadako, ginabreed, ug ginani ang isda ug uban pang aquatic species sa kontrolado nga palibot sama sa ponds, tanks, o cages.
Kini nga survey ubos sa mandato sa Republic Act No. 10625 o Philippine Statistical Act of 2013. Gidapit usab ang kooperasyon sa tanan, labi na sa mga respondents, aron masiguro ang tukma ug kasaligan nga datos alang sa epektibong polisiya ug programa sa sektor.(IKEN B. GULLEM)