Nadawat sa Dinuan Agrarian Reform Beneficiaries Multi-Purpose Cooperative ang usa (1) ka bag-ong Hauling Truck ubos sa Sustainable Resilient in Agrarian Reform Communities (SURE-ARC) nga proyekto atol sa MOA Signing ug Turn-Over Ceremony kaniadtong Nobyembre 7, 2025.
Misalmot sa kalihukan sila 3rd District Vice Governor Hon. Julius Napigquit, Board Member Venus Uy, Provincial Agrarian Reform Program Officer II Daisy Dell S. Digamon, Provincial Project Manager, ug ang lokal nga panggamhanan sa Salug nga gilangkoban ni Municipal Mayor Dr. Ruth M. Brillantes, Vice Mayor Michael Buzon, Konsehal Myrna Maraon, ug uban pang stakeholders nga nagpadayag sa ilang suporta sa kooperatiba ug komunidad.
Ang maong proyekto naghatag ug dakong tabang sa mga benepisyaryo sa agrarian reform, labi na sa transportasyon sa ilang produksyon ug pagpalambo sa agrikultura sa komunidad. Gipadayeg sa mga opisyal ang kadasig ug kooperasyon sa mga miyembro sa cooperative nga nagpadayon sa pagtukod ug mas lig-on nga komunidad.(IKEN B. GULLEM)
Source: Municipality of SALUG