Mibisita sa City Mayor’s Office kaniadtong Nobyembre 7, 2025, ang mga estudyanteng atleta gikan sa Dipolog City aron ipresentar ang ilang naangkon nga medalya human misalmot ug nakadaog sa Batang Pinoy 2025, usa ka nasudnong kompetisyon sa sports alang sa kabatan-onan, nga gihimo gikan Oktubre 25 hangtod 31.
Gipangulohan sa Youth Sports Development Council (YSDC) Chair, Atty. Chandler O. Ruiz, ang delegasyon, uban sa ilang mga coaches: Mr. Clyde Velasco ug Mr. Michael Icao sa Athletics nga nakaangkon ug 2 Ka Gold, 1 Ka Bronze,si Mr. Dexter Campomanes sa Wrestling adunay 1 Ka Bronze si, Mr. James Saavedra sa Badminton usab 1 Ka Bronze, samtang si Mr. Donald Capa sa Pencak Silat nakaangkon ug 2 Ka Gold, 1 Ka Bronze, ug Mr. Edzel Poquita sa Wushu, 1 Ka Bronze.
Gipadayeg sa lokal nga panggamhanan ang kadasig, disiplina, ug maayong pagdula sa mga batan-ong atleta, nga nagdala ug dungog ug garbo sa siyudad pinaagi sa ilang talagsaong performance sa nasudnong kompetisyon.(IKEN B. GULLEM)
Source: Dipolog City Government