Mipasiugda ang Department of the Interior and Local Government (DILG) Regional Office IX og upat ka adlaw nga Training Workshop sa Community-Based Monitoring System (CBMS) Module III-B: Utilizing CBMS Data in the Comprehensive Development Plan (CDP) nga nag sugod gikan Disyembre 16 hangtod 19, 2025, didto sa Royal Farm, Gulayon, ning siyudad.
Gitambongan kini sa mga Municipal Local Government Operations Officer (MLGOO), planning officers, statisticians ug data encoders sa nagkalain-laing lungsod sa Zamboanga del Norte.
Sa iyang mensahe, gipasiugda ni Governor Darel Dexter T. Uy ang kahinungdanon sa CBMS isip giya sa tukma ug data-driven nga pagplano sa panggobyerno, ilalom sa Kuyog Ta sa Bag-ong Zanorte Development Agenda. Gipasabot sa gobernador nga ang pagplano nga walay lig-on nga datos mahimong mosangpot sa sayop nga prayoridad ug dili hustong paggasto sa pondo sa gobyerno.
Gidumala sa Philippine Statistics Authority (PSA) ug DILG ang mga teknikal nga sesyon, lakip ang paghisgot sa Rationalized Planning System ug sa bag-ong Joint Memorandum Circular nga naggiya sa integrasyon sa mga plano sa lokal ug nasyonal nga lebel.
Gilauman nga pinaagi sa maong kalihokan, mas mapalig-on ang kapasidad sa mga LGU sa paghimo ug data-driven nga mga desisyon alang sa mas episyente ug patas nga paghatud sa serbisyo publiko.(IKEN B. GULLEM)
Source: Zamboanga del Norte Provincial News Network