Giklaro sa City Development Council (CDC) sa Dipolog City ang direksyon sa mga programa ug proyekto sa siyudad human maaprubahan ang City Development Plan (CDP) 2025–2030 atol sa 4th Quarter CDC Meeting nga gipahigayon kaniadtong Disyembre 16, 2025, sa Museo Dipolog.
Gipangulohan ni City Vice Mayor Senen O. Angeles ang miting uban ang presensya ni City Mayor Roberto Y. Uy ug mga Punong Barangay, diin gisentro ang panaghisgot sa paglinya sa pondo, prayoridad, ug kahandam sa katalagman.
Lakip sa mga gitutokan ang realignment sa 2025 nga 20% Development Fund ug ang mga resolusyon sa Local Disaster Risk Reduction and Management Council nga nagpalig-on sa kaluwasan ug andam nga komunidad.
Ang maong miting nagtimaan sa paghiusa sa mga plano sa siyudad aron masiguro ang malungtarong ug inklusibong kalamboan sa Dipolog City.(IKEN B. GULLEM)
Source: Dipolog City Government