Sa pag-obserbar sa 22nd Women with Disabilities Day subay sa Proclamation No. 744, series of 2004, gipasiugda sa Dapitan City Government ang kahinungdanon sa inklusibong pagdumala ug patas nga serbisyo alang sa tanang sektor.
Atol sa flag ceremony, gipahibalo sa City Social Welfare and Development Office (CSWDO) ang tema karong tuiga: “Landas ng Makabagong Babaylan: Pantay, Inklusibo at Lahat May Kakayahan,” nga nag-awhag sa pag-ila sa papel sa kababayen-an nga adunay kapansanan sa pagpalambo sa komunidad.
Gipunting usab sa opisina nga ang mga serbisyo sa gobyerno kinahanglan magpabiling accessible, patas, ug responsive aron matubag ang panginahanglan sa persons with disabilities.
Sumala sa lokal nga panggamhanan, ang maong obserbasyon nagpalig-on sa panawagan alang sa padayon nga kooperasyon aron masiguro ang patas nga oportunidad ug inklusibong kalamboan sa Dapitan City.(IKEN B. GULLEM)
Source: City Government of Dapitan