LABASON, ZAMBOANGA DEL NORTE — Dali nga mitubag ang EMS personnel sa Labason Municipal Fire Station sa usa ka emergency medical case nga may kalabotan sa grabeng pagkalipong sa usa ka babaye sa Barangay Imelda niadtong Marso 30.
Sa ilang pag-abot, gisiguro una sa rescuers ang kaluwasan sa lugar ug gilayon og primary assessment ang pasyente nga nakit-an nga conscious apan luya ug nagreklamo og padayon nga pagkalipong o spinning sensation.
Giatiman dayon siya pinaagi sa pagpahigda sa husto nga posisyon, padayon nga pagmonitor sa iyang kahimtang, ug paghatag og mga instruksyon aron malikayan ang kalit nga lihok sa ulo nga mahimong makapasamot sa sitwasyon.
Human sa inisyal nga pag-atiman, gidala dayon ang pasyente sa Labason District Hospital alang sa dugang eksaminasyon ug tambal, samtang gipasiugda sa BFP ang ilang paspas ug andam nga pagresponde sa tanang klase sa emerhensya sa komunidad.(JENIFFER JR. DELICA)
Source: BFP R9 Labason Fire Station