Hingpit na nga matapos ang pag-ayo sa nadanyos nga bridge access sa Sitio Lagtang, Barangay Sigayan, Dapitan diin ang sementado nga bahin sa collapsed road padulong sa steel bridge halos kompleto na.
Ang Provincial Engineering Office (PEO) nagpas-pas sa trabaho ubos sa direktiba ni Governor Darel Uy, nga gisugdan pagkahuman sa reklamo ni Councilor Maribeth Amparado ug gidala ang isyu kang Mayor Evelyn Uy.
Kining nadanyos nga dalan nahimong delikado, labi na sa ting-ulan, tungod sa pagkahugno sa concrete road ug erosion sa bridge approach.
Sa pagkahuman sa sementado nga trabaho, ipadayon ang dugang structural reinforcements sama sa wing wall ug riprap protection aron mas lig-on ang tulay ug mapugngan ang sunod nga kadaut.
Samtang, ang komunidad nagpaabot nga dali na gyud matapos ang proyekto, nga maghatag og luwas ug hapsay nga dalan para sa tanan.(IKEN B. GULLEM)
Source: Zamboanga del Norte Provincial News Network