Nagkahiusa ang Local Government Unit sa Katipunan, Katipunan MPS, ug uban pang kauban nga ahensya sa gobyerno aron ipahigayon ang Information Caravan ug Medical Outreach Program sa Barangay Fimagas, Katipunan Zamboanga del Norte.
Kini nga programa gipangunahan ni PCPT Jonathan T. Lagang, Officer-in-Charge sa PNP Katipunan, kauban si Hon. Jose Michael Meiko A. Wong sa LGU Katipunan ug Dr. Kei Ruud Piperno, Municipal Doctor sa Katipunan Rural Health Unit.
Apil usab sa kalihokan ang 97th Infantry Battalion, mga barangay officials ug tanods sa Fimagas, ug Barangay Based Advocacy Group aron mahatagan og importante nga impormasyon ug medikal nga serbisyo ang mga residente.
Kini nga outreach nagtumong sa pagpalig-on sa kolaborasyon sa gobyerno, lokal nga opisyal, ug relihiyosong sektor aron mapalambo ang seguridad, kahimsog, ug kahibalo sa komunidad.
Pinagi sa maong kalihokan, gipakita sa LGU Katipunan ug sa ilang mga kauban ang tinuod nga dedikasyon sa pagserbisyo ug pagtabang sa katawhan.(IKEN B. GULLEM)
Source: Katipunan Municipal Police Station