DAPITAN CITY — Dali nga mitubag ang personnel sa Dapitan City Fire Station sa usa ka emergency medical case sa Barangay Linabo diin usa ka pasyente ang nakit-an nga walay panimuot sulod sa balay.
Sa ilang pag-abot, gilayon nga gihimo sa EMS team ang initial assessment ug naghatag og first aid lakip ang paghatag og oxygen aron mapalig-on ang kahimtang sa pasyente.
Human matala ang vital signs, gidala ang pasyente sa Dr. Jose Rizal Memorial Hospital alang sa dugang pag-atiman, ug sa ulahi girekomendar ang pagbalhin niini ngadto sa mas taas nga lebel nga pasilidad medikal.
Nagpabilin ang BFP Dapitan nga alerto ug andam sa pagresponde sa mga emerhensya aron masiguro ang kaluwasan ug kahimsog sa komunidad.(JENIFFER JR. DELICA)
Source: BFP R9 Dapitan City Fire Station