Nagpadayon ang paningkamot sa pagpanalipod sa kadagatan ug pagpalig-on sa panginabuhian sa mga mananagat human gibuhian ang walo (8) ka berried crabs sa Barangay Baylimango kagahapong adlawa, Mayo 4, 2026.
Gipangunahan ni Mayor Evelyn T. Uy ang maong kalihokan isip kabahin sa padayon nga programa sa syudad alang sa marine conservation ug pagpasig-uli sa natural nga populasyon sa alimango sa baybayon nga mga lugar.
Ang mga berried crabs, nga nagdala og itlog, giila nga importante sa pagpadaghan sa populasyon sa kadagatan kay makatabang kini sa natural nga pagpasanay ug pag-uswag sa marine resources.
Kauban sa alkalde si City Agriculturist Cyril Patangan nga mitabang sa teknikal nga aspeto sa aktibidad, samtang presensya usab ang mga kawani sa City Hall isip suporta sa environmental initiatives sa lokal nga panggamhanan..
Sumala sa city government, magpadayon pa ang susamang kalihukan sa umaabot nga mga bulan isip kabahin sa coastal resource management program sa syudad.(IKEN B. GULLEM)
Source: Zamboanga del Norte Provincial News Network