Giduso sa Committee on Natural Resources and Environmental Protection ang pag-institutionalize sa tree planting ug growing activity sa syudad pinaagi sa joint committee hearing nga gihimo kaniadtong Mayo 4 sa SP Conference Room, New Government Center.
Gidiskusyonan sa komite ang Committee Referral No. 152-2026 nga nagtumong sa pag-authorize sa City Mayor nga mopirma og Memorandum of Agreement (MOA) uban sa tanang Barangay Captains sa Dapitan City alang sa implementasyon sa tree planting program sa matag barangay.
Kini nga inisyatibo naglakip sa estratehiya nga mapalig-on ang reforestation efforts sa lokal nga lebel, subay sa national mandate ilabi na sa Arbor Day of 2012, nga nag-awhag sa aktibong partisipasyon sa komunidad sa pagpanalipod sa kalikopan.
Kauban sa referral ang legal opinion gikan sa City Legal Office, sulat gikan ni City ENRO I George T. Olario, ug draft sa Memorandum of Agreement nga magsilbing basehan sa implementasyon sa programa.
Pinaagi niini nga lakang, mas mapalapad ang partisipasyon sa mga barangay sa environmental protection ug mas mapalig-on ang kaamgohan sa komunidad sa kahinungdanon sa reforestation alang sa kaugmaon sa syudad.(IKEN B. GULLEM)
Source: Sangguniang Panlungsod of Dapitan City