Nakadawat og Bayanihan SIM cards ang 77 ka estudyante ug magtutudlo sa Pacuhan Elementary School sa Salug isip kabahin sa lakang sa pagpalig-on sa digital nga edukasyon sa mga GIDA (Geographically Isolated and Disadvantaged Areas).
Adunay 25GB monthly data ang SIM cards nga magamit sulod sa 12 ka bulan, nga gilauman makatabang sa online classes, research, ug uban pang learning activities nga nagkinahanglan og internet access.
Sumala sa mga implementor, ang paghatag sa SIM cards naghatag og direkta nga solusyon sa problema sa limitado nga konektibidad sa mga liblib nga lugar, nga kasagaran babag sa padayon nga pagkat-on sa mga estudyante.
Pinaagi niini, gilauman nga mas mapadali ang access sa digital learning resources ug mas mapalig-on ang partisipasyon sa mga estudyante ug magtutudlo sa modernong pamaagi sa edukasyon.
Ang inisyatibo kabahin sa padayon nga paningkamot sa gobyerno nga mapalapdan ang digital inclusion ug masuportahan ang mga eskwelahan sa mga lugar nga kulang sa internet infrastructure.(IKEN B. GULLEM)
Source: DICT IX BASULTA