Malampusong napahigayon sa Syudad sa dapitan ang Provincial Anti-Drug Abuse Council (PADAC), ug Barangay Anti-Drug Abuse Council (BADAC) visitation, nga gipahigayon didto sa DCGEA-MPC Building, sa Sunset Boulevard, Barangay Dawo, niadtong nakalabay’ng adlaw, Agusto 22, 2025.
Ang nasangpit nga kalihokan gitambungan mismo sa mayor sa dapitan pinaagi ni mayor Evelyn T. Uy, maingon man ni Zamboanga del Norte Provincial Director Pcol. Jimmy M Laguyo, SI II Jill Rovvenn Genotivo sa Philippine Drug Enforcement Agency (PDEA), maingon man ang representante gikan sa Department of the Interior and Local Government (DILG), lakip usab niini ang Head, sa City Health Office, DepEd Dapitan, ug ang Officer-In-Charge sa Dapitan City Police Station Pltcol. Eva Joy E. Capurcos.
Nasayran nga ang nasangpit nga kalihokan, gisalmotan usab sa mga miyembro sa Barangay Anti-Drug Abuse Councils (BADACs), mga Sekretaryo sa Barangay, ug mga Chairman sa Sangguniang Kabataan alang sa usa ka adlaw sa estratehikong dayalogo ug koordinasyon.
Ang programa naglakip sa usa ka Focus Group Discussion bahin sa pagbatok sa ilegal nga droga ug usa ka Meet and Greet nga sesyon nga gidisenyo aron palig-onon ang kolaborasyon tali sa mga miyembro sa BADAC.
Ang mga partisipante nagpaambit sa mga panabut, nagbahin sa labing maayong mga pamaagi, ug nagpabag-o sa ilang kolektibong pagka komitado sa usa ka pinaghiusa ug aktibong pamaagi sa pag-atubang sa problema sa Droga.
Sa mensahe nga giluwatan ni Mayor Evelyn Uy, ang kamahinungdanon sa pagpauswag sa mga lakang batok sa pagkuyanap sa Iligal nga Droga, nga maoy unang nakitang hinungdan sa pagtaas sa mga insidente sa krimen, lakip na ang mga kaso sa pagpanglugos. Gipasiugda niini, nga ang panginahanglan alang sa lig-on nga partisipasyon sa komunidad ug kooperasyon sa inter-agency, alang sa pagpabag-o sa mga inisyatibo sa siyudad batok sa droga.(Julius Esmade)
Source: CITY GOVERNMENT OF DAPITAN