Mitunol sa ₱ 50,000 si Governor Rosalina “Nanay Nene” Jalosjos ngadto kang Miss Rache Santos, 24 anyos kandidata sa Miss Earth Philippines nga nagrepresentar sa dakbayan sa Dipolog, Zamboanga del Norte.
Kini gitunol ni Gov. Nene dihang mi pagkortesiya ang kandidata niadtong nakalabayng adlaw sulod sa iyang buhatan.
Si Miss Santos mulopyo sa Sicayab ning dakbayan, anak nila ni Rolando ug Rachel Santos. Siya naka tungha sa North Seattle College sa nasud sa America, sa kursong Business Adminsitration ug pagka human nag-skewela usab siya sa Western Mindanao State University (WMSU) sa dakbayan sa Zamboanga sa kursong Bachelor of Science in Accountancy.
Matud pa ni Governor Nene nga dakong garbo sa Zamboanga del Norte nga aduna kita’y kandidata sa Miss Earth Philippines.
Gawas sa tabang pinansyal, mipaabot usab ang inahan sa probinsya sa iyang sinsiro nga suporta, pag-ampo ug pagdasig sa kadaugan ni Miss Santos.
Nasayran nga Hulyo 20 mogikan si Santos padulong sa kauluhang Manila aron pagpangandam sa grand coronation karong Agosto 6 didto sa Coron, Palawan.
(Source: Jane Barrera & JS Ramirez, Philippine Information Center | Dipolog Balita Express Facebook page)