Mapasantak ti turismo iti ili a Carasi, Ilocos Norte iti administrasyon ni Mayor Robella Gaspar.
Iti umuna a lawas na kas local chief executive ket imbilin nan ti pannakapapintas dagiti tourism facilities kasta met dagiti homestay tribal hall ken museum iti Brgy. Barbaquezo iti nasao nga ili.
Kuna ti mayora nga addan pakpakauna a pondo nga umabot iti 1,166,472.35 pesos ti naiyalokar tapno mapapintas dagitoy a pasilidades.
Saan a mailibak kuna ti mayora nga umad adu metten dagiti agturturong iti ili da a turista nangnangruna iti sabo dam ken mangbuya iti napintas a view dagiti banbantay karaman dagiti mayat met a mangsarubgkar kadagiti tribu iti Carasi.
Awan metten problema iti road network a sumrek iti ili agsipud ta sementado aminen a kalsada nga agturong iti poblasyon. (Rodrigo Sadian)
(Source: LGU Carasi)
