Gibuksan na niadtong Hunyo 25 ang P5-milyong road concreting project sa Barangay Dilawa, Piñan, Zamboanga del Norte pinaagi sa blessing ug groundbreaking ceremony.
Ang proyekto naglangkob sa pagsemento sa dalan padulong sa Dilawa National High School nga gipondohan sa lokal nga panggamhanan sa Piñan.
Gilauman nga mas mapasayon ug mapaluwas ang pagbiyahe sa mga estudyante, magtutudlo ug mga residente nga mogamit sa maong dalan matag adlaw.
Sumala sa LGU Piñan, kabahin kini sa padayon nga paningkamot sa pagpalig-on sa imprastraktura ug paghatag og mas maayong serbisyo alang sa mga komunidad sa lungsod.(JENIFFER JR. DELICA)
Source: Mayor Rommel Gudmalin