Nadawat sa Local Government Unit sa Piñan ang mga donasyong hinungdanon gikan sa Children International Philippines Incorporated, Dipolog Youth Club ug Zamboanga del Norte Association of Illinois Incorporated niadtong Hunyo 25.
Sumala sa LGU Piñan, dako ang maong tabang sa pagpalambo sa kahimtang sa mga kabatan-onan ug komunidad sa lungsod pinaagi sa nagkadaiyang programa ug suporta.
Gipasalamatan sa lokal nga panggamhanan ang tulo ka organisasyon tungod sa ilang padayon nga pagpakabana ug pag-amot alang sa kaayohan sa katawhan sa Piñan.
Matud pa sa LGU, ang panagtinabangay sa mga partner organizations makatabang sa pagtukod og mas lig-on, mas progresibo ug mas mapinanggaon nga komunidad alang sa tanang residente sa lungsod.(JENIFFER JR. DELICA)
Source: Mayor Rommel Gudmalin