Lima ka barangay sa lungsod sa Salug ang nakabenepisyo sa Walang Gutom Program human gipahigayon ang distribution sa food assistance niadtong Mayo 25, 2026, pinaagi sa panagtambayayong sa Department of Social Welfare and Development Region IX ug Municipal Social Welfare and Development Office (MSWDO).
Ang mga benepisyaryo gikan sa barangay Dipolod, Dinoan, Danao, Binoni ug Bacong nakadawat og ayuda nga nagkantidad og ₱3,000 matag usa aron makatabang sa ilang adlaw-adlaw nga panginahanglan sa pagkaon.
Pinangunahan ni MSWDO Officer Ma’am Windelyn L. Rigodon ang maong kalihokan, nga nagtumong sa pagpalig-on sa suporta sa gobyerno alang sa mga pamilyang apektado sa kalisod ug kakuwang sa pagkaon.
Gipasiugda usab sa lokal nga panggamhanan ubos sa administrasyon ni Mayor Dra. Ruth M. Brillantes ang padayon nga pagpalapad sa mga programang sosyal aron masiguro nga mas daghang pamilya sa komunidad ang matagaan og tabang ug maprotektahan batok sa kagutom.(IKEN B. GULLEM)
Source: Municipality of Salug