Gipakita sa 2026 Province-Led Agriculture and Fisheries Extension System o PAFES Provincial Management Council Meeting nga mokabat sa P20.47 bilyon ang total nga pundo alang sa mga programa ug proyekto sa sektor sa agrikultura ug pangisdaan sa Zamboanga del Norte gikan 2027 hangtod 2030.
Gipahigayon ang miting niadtong Agosto 27 sa Hall 3, Provincial Capitol, ubos sa pagpangulo ni Governor Darel Dexter T. Uy isip chairman.
Sumala sa gipresentar ni Acting Provincial Agriculturist Armie A. Bergado, ang consolidated agri-fishery development plan naglangkob og P20,470,705,110.00. Pinakadako niini ang P13,009,214,500.00 alang sa Agriculture Machinery, Equipment and Facilities Support Services, gisundan sa P5,447,426,580.00 alang sa Production Support Services. Lakip usab sa pondo ang Irrigation Network Services, Market Development Services, Extension, Support, Education and Training Services, ug Research and Development.
Gipatin-aw ni PAFES Focal Person ug Planning Officer II Angelito L. Tacan nga ang PAFES nakabase sa Republic Act No. 7160, Republic Act No. 8435, Executive Order No. 138, s. 2021, ug Executive Order No. 103, s. 2025. Ang Zamboanga del Norte usa sa lead provinces uban sa Zamboanga del Sur ug Zamboanga Sibugay, samtang ang Department of Agriculture, Bureau of Fisheries and Aquatic Resources, ug Agricultural Training Institute ang lead agencies.
Isip pilot province, adunay mga proyekto ang Zamboanga del Norte nga napailalom na sa pag-apruba sa national agencies, lakip ang Corn Post Harvest with Silo nga adunay P150 milyon nga pondo, Masaganang Maisan: Pagkain at Pangkabuhayan nga P68 milyon, Farm Machinery Motorpools nga P38.296 milyon, Biological Control Agent Laboratory nga P28 milyon, ug Zamboanga del Norte Food Terminal Complex nga P21 milyon. Gilauman nga mapalambo pa sa PAFES-PMC ang mga plano ug programa pinaagi sa suporta ug koordinasyon sa provincial government.(JENIFFER JR. DELICA)
Source: Zamboanga del Norte Provincial News Network