Gipangunayan mismo sa Gobernador ning Probinsiya, nga si Darel Dexter T. Uy, kauban ang Mayor sa Dapitan, nga si Mayor Evelyn T. Uy, ang aktibidad, nga outreach program and Medical Mission, didto sa Barangay Silinog sakop dakbayan sa Dapitan, niadtong nakalabay’ng adlaw, Agusto 16, 2025.
Atol sa nasangpit nga programa, gipang-apod-apod sa naasoy nga mga opisyal, ang mokabat ngadto sa 264 ka mga food packs, alang sa mga mitambong nga mga Fisherfolk’s, diin lakip usab nga gipangtunol niini, ang mga tsinelas, school supplies, maingon man ang mga gamit sa ilang pagpanagat.
Matud pa, nga samtang nagpadayon ang nahisgutang aktibidad, lakip usab nga gipahigayon niini ang feeding program, samtang nakabenepisyo usab ang mga katawhan sa maong lugar, ug libreng Medical Check-up’s, mga libreng tambal ug mga Bitamina, bisan ang dental services, aduna usay libreng tuli, ug ang libreng haircut, nga matud pa, gikalipay kini og dako sa mga katawhan nga lumolupyo sa Barangay Selinog, sa dakbayan sa Dapitan, ning Probinsiya sa Zamboanga Del Norte.
Matud pa, nga nagmalampuson ang nasangpit nga aktibidad, tungod sa hugtanong supporta ug pakigtimbayayong nila ni City Councilor Alexandra Judeth P. Meily ug ni City Councilor Dennis Tan, pinaagi usab sa kolaborasyon sa uban pang mga Government Agencies, nga gilangkuban sa DSWD, ZNMC medical team, City Agriculture Office, 97th Infantry Battalion, 1st Infantry (TABAK) Division, ug ang uban pang mga private partners niini.(Julius Esmade)
Source: CITY GOVERNMENT OF DAPITAN