Mas gipahugtan pa sa mga personahe sa Rizal Municipal Police Station, ang ilang pagpahigayon og Mobile Checkpoint, particular sa border control sa National Highway, sa Barangay Tolon, sa Lungsod sa Rizal, ning Probinsiya sa Zamboanga Del Norte, kagahapong adlawa, Agusto 17, ning tuig 2025.
Nasayran nga ang nasangpit nga hugtanong pagpatuman sa Mobile Checkpoint, ubos sa mandato sa Officer-In-Charge sa Rizal Mps, pinaagi ni Pcpt. Daryl H Samonte, diin nahimong katimbayayong sa nasangpit nga mga kapulisan, mao ang mga personahe gikan sa Regional Mobile Force Batallion-9 (RMFB9).
Dugang pa niini, nga ang lungsod sa Rizal, mao ang pinaka utlanan nga lungsod ning maong Probinsiya sa Zamboanga Del Norte, diin ang sunod na nga Probinsiya, mao na ang Misamiz Occidental, maong gipahugtan pa sa mga kapulisan sa nasangpit nga lungsod ang pagpahigayon sa naasoy nga Mobile Checkpoint, aron nga ilang mapugngan ang unsa mang plano sa mga mapahimuslanon sa higayon, bisan kadtong mga magpayuhot sa mga smuggled nga mga kalihukan.
Matud pa, nga bisan mao nilang inisyatiba, mapasalamaton ang mga kapulisan sa naasoy nga Lungsod, tungod kay walay mga naaktuhan nga nagpalusot og mga Iligal nga kalihukan, atol sa ilang mga gipahigayon nga Mobile Checkpoint.(Julius Esmade)
Source: RIZAL MUNICIPAL POLICE STATION