Gipangunahan sa mayor sa Dapitan, pinaagi ni Mayor Evelyn T. Uy, ang gipahigayon nga 3rd Quarter Regular Protected Area Management Board (PAMB) Meeting, alang sa Jose Rizal Memorial Protected Landscape (JRMPL), diin kini gipahigayon didto sa Bajamunde Farms Pension Hall, nga atua nahimotang sa Sunset Boulevard, sa dakbayan sa Dapitan, niadtong nakalabay’ng adlaw, Agusto 15, 2025.
Nasayran nga ang nasangpit nga 3rd Quarter Regular Meeting sa (PAMB), gitambungan sa 8 ka mga miyemro, sa kinatibuk-ang 12 ka miyemro niini, diin kini gitambungan usab sa mga Guest ug mga representanti, nga mga personahe gikan sa Department of Environment and Natural Resources (DENR), maingon man ang Curator II sa Rizal Shrine, pinaagi ni Ms. Sofia Bagolboc, diin gituki atol sa maong higayon ang isyu nga naka apektar sa protected landscape, diin gipadangat ni Mayor Belen Uy, ang maong concern, ngadto kang EMS II Mamerto A. Insag, isip maoy Protected Area Superintendent sa JRMPL.
Matud pa, nga ang Jose Rizal Memorial Protected Landscape (JRMPL) usa ka protektadong dapit ug memorabilya nga gihatag kang Dr. Jose Rizal, panahon sa iyang pagkabilanggo sa Dapitan. Si Dr. Jose Rizal nakakuha og 16 ka ektarya nga yuta sa Barangay Talisay, sa Dapitan, nga nagsilbing iyang puluy-anan sulod sa upat ka tuig nga iyang pagpabilin ning maong natong Probinsiya sa Zamboanga Del Norte.(Julius Esmade)
Source: CITY GOVERNMENT OF DAPITAN