Gipahigayon sa National Authority for Child Care (NACC) Regional Alternative Child Care Office Region IX ang NLP Orientation ug Ceremonial Memorandum of Agreement (MOA) Signing sa Sindangan, Zamboanga del Norte niadtong Mayo 6, 2026.
Ang maong aktibidad gitumong sa pagpalig-on sa implementasyon sa alternative child care programs sama sa adoption, foster care, ug kinship care sa pakigtambayayong sa Local Government Unit (LGU) sa Sindangan.
Gihimo ang kalihokan sa Mayor’s Office, Municipal Hall sa Sindangan, diin gipresentar ang mga polisiya ilawom sa Republic Act No. 11642 nga nag-establisar sa NACC isip one-stop agency alang sa mas paspas ug mas organisado nga child care services.
Gihisgutan usab sa orientation ang Republic Act No. 11767 o Foundling Recognition and Protection Act, nga naghatag og giya sa pagpanalipod ug pag-atiman sa mga foundling pinaagi sa angay nga alternative care arrangements.
Misalmot sa programa ang mga opisyal gikan sa NACC RACCO IX, MSWDO Sindangan, ug LGU Sindangan, kauban si Mayor Glona G. Labadlabad.
Misangko ang kalihukan pinaagi sa ceremonial MOA signing tali sa NACC ug LGU Sindangan, nga nagpalig-on sa ilang partnership alang sa padayong implementasyon sa child protection ug welfare programs sa komunidad.(IKEN B. GULLEM)
Source: Municipality of Sindangan