Nakigkoordinar ang Zamboanga del Norte 2nd Provincial Mobile Force Company R-PSB Team sa Local Government Unit (LGU) sa Sindangan alang sa dugang nga Lakatan banana planting materials nga iapod sa mga barangay sakop sa ilang deployment areas sa Zamboanga del Norte.
Ang maong koordinasyon gihimo ubos sa superbisyon ni PLTCOL Edwin D. Verzon, Force Commander, isip kabahin sa pagpalig-on sa agricultural support program sa mga komunidad nga nakabenepisyo na sa naunang distribusyon sa seedlings.
Naaprubahan ang hangyo alang sa dugang “suckers” pinaagi sa suporta ni Sindangan Mayor Glona G. Labadlabad ug Municipal Agriculturist Jonathan Comamao.
Tumong sa maong lakang ang pagpadayon sa distribusyon sa Lakatan seedlings aron makatabang sa panginabuhian ug produksyon sa agrikultura sa mga benepisyaryong barangay.
Gihimo ang koordinasyon sa Mayor’s Office sa Sindangan isip kabahin sa padayong kooperasyon tali sa kapulisan ug lokal nga gobyerno alang sa mas malungtarong agricultural programs sa lungsod.(IKEN B. GULLEM)
Source: Zamboanga del Norte 2nd PMFC