33.8 C
Manila
Friday, March 29, 2024

Dipolog: Orientation Sa Mga Lady Influencers Sa Region IX Kalabot Sa F1K Nagmalampuson

- Advertisement -

Malampusong gipahigayon ang Orientation sa mga Lady Influencers sa Region IX kabahin sa First 1000 Days kon F1K pinaagi sa usa ka Google Meet webinar kaniadtong adlaw’ng Miyerkules, Oktubre 27 ning tuiga sa may alas 9:00 ang takna sa buntag. Ang maong kalihokan ang gipangunahan sa National Nutrition Council Region IX ilawom sa Department of Health (DOH).

Ang nasangpit nga kalihokan ang gitambongan nila ni Department of Health Region IX CHD/RNAHC Chair Dir. Joshua G. Brillantes, Assistant Secretary of Health/National Nutrition Council Region IX Executive Director, Azucena M. Dayanghirang ug Cabinet Secretary/IATF-Zero Hunger Chair, Atty. Karlo Alexei B. Nograles, kinsa mipabati sa ilang tagsa-tagsa ka mga mensahe kalabot sa kamahinungdanon sa unang 1000 ka adlaw sa usa ka bata ug ang responsibilidad sa mga katawhan lakip na ang mga inahan aron matuman ang tumong niini.

Lakip usab sa mitambong sila si kanhi mayor ning dakbayan ug “first lady” sa probinsya sa Zamboanga del Norte, Ms. Evelyn T. Uy ug ang kapikas ni City Mayor Darel Dexter T. Uy, “first lady” Vanessa Y. Uy, kinsa mihatag usab sa ilang mga mensahe ug nanumpa sa “Pledge of Commitment” isip pagsuporta ning programa sa National Nutrition Council uban sa pipila ka mga “resource speakers”, “first ladies” ug “lady mayors” dinhi sa rehiyon 9.

Tumong sa maong kalihokan nga ma-“orient” ang mga partisipantes sa kamahinungdanon sa pagsanong sa “first 1000 days” sa usa ka bata ug kung unsa ilang pwede matabang isip usa ka “Lady Influencer” sa ilang tagsa-tagsa ka mga lugar lakip na ang paghatag sa insaktong nutrisyon sa inahan ug ang anak niini.

(Source: City Information Office | Dipolog City Government Facebook page)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -