Cebu City – Gi-inagurahan na ang bag-ong unom ka andana nga corporate building sa Mactan-Cebu International Airport (MCIA), Oktubre 28, 2021.
Gipahigayon sab ang inspection sa ika-duhang runway sa MCIA sa samang higayon.
Si Department of Transportation (DOTr) Secretary Arthur Tugade maoy nangulo sa pagbukas, uban sa kadagkuan sa Civial Aviation Authority of the Philippines (CAAP), ug Mactan-Cebu International Airport Authority (MCIAA) ug local nga opisyal sa Syudad sa Lapu-Lapu.
Ang maong corporate office building nga equipped sa modernong equipment ug facilities, maoy magsilbing buhatan sa mga empleyado sa MCIAA sa us aka lugar.
Tinguha niini nga mas mapa lambo pa ang serbisyo, accessibility ug convenience sa mga kliyente sa ahensya.
Dugang pa, ang maong edipisyo, dunay elevated passageways nga konektado sa terminal buildings alang sa convenience, safety ug protection sa mga workers ug mga staff.
Gipahibaw ni Lapu-Lapu City Mayor Junard Chan nga gawas sa bag-ong building, gipahigayon sab ang groundbreaking sa P2 Billion project nga ikaduhang runway nga mag accommodate ug daghang pang mga flights aron dili makasinate ug traffic.
Alang ni Chan nga dako kining ikatabang sa syudad kay sa paghuman na sa vaccination nga maoy hudyat sa pagsugod og dawat sa mga international tourist.
Dugang sa mayor nga makatabang kining runway nga nga mas modaghan pa ang mga turista ug bag-ong mga negosyo nga gipanglantawan nga maghatag ug panginabuhian sa mga Oponganon.
(News & photos courtesy of Philippine News Agency | Junard Chan’s Facebook page)