Magpahigayon og orientation ang International Progress Incorporated Overseas Employment Agency alang sa mga interesadong aplikante sa domestic helper karong Hulyo 18, alas 9 sa buntag sa Second Floor Function Hall sa Piñan Municipal Hall.
Alang lamang ang maong orientation sa mga babayeng aplikante nga nag-edad og 24 ngadto sa 40 anyos alang sa first timers ug 41 ngadto sa 45 anyos alang sa mga ex-abroad.
Giawhag ang tanang interesadong aplikante nga magparehistro una pinaagi sa pagpadala og pribadong mensahe sa Facebook page sa Lokal nga Panggamhanan sa Piñan ug isumite ang ilang kompletong ngalan, contact number ug adres aron makumpirma ang ilang partisipasyon.
Ang mga aplikanteng makapalista daan lamang ang ma-accommodate sa orientation ug makadawat og libreng paniudto, samtang gamiton usab ang pre-registration aron matino ang eksaktong gidaghanon sa mga motambong.(JENIFFER JR. DELICA)
Source: Mayor Rommel Gudmalin