Moabot sa Lungsod sa Liloy ang DMC College Foundation Incorporated Enrollment on Wheels sa Hulyo 23 aron ihatod ang enrollment ug admission services ngadto sa mga gustong mosulod sa kolehiyo.
Ipahigayon ang maong kalihokan gikan alas 9 sa buntag hangtod alas 3 sa hapon sa Liloy Commercial Building tupad sa LandBank, diin mahimong makabenepisyo ang graduating Senior High School students, out-of-school youth, transferees ug mga nagtrabaho nga gustong mopadayon sa ilang pag-eskwela.
Lakip sa mga serbisyong ihatag ang academic counseling, admission processing ug enrollment assistance aron mas mapadali ang pagpalista sa mga interesadong estudyante.
Kabahin kini sa panagtambayayong tali sa DMC College Foundation Incorporated ug sa Lokal nga Panggamhanan sa Liloy aron mapadali ang pag-angkon sa dekalidad nga edukasyon ug mapalapad ang oportunidad sa mga lumulupyo sa lungsod.(JENIFFER JR. DELICA)
Source: Municipality of Liloy