Mas gipalig-on pa sa Zamboanga del Norte 2nd Provincial Mobile Force Company (ZN 2nd PMFC) ug Technical Education and Skills Development Authority (TESDA) ang pagpanguma human kini nagpahigayon og Organic Farming Seminar niadtong Pebrero 14, 2026 sa mga mag-uuma sa Barangay Cocob, Gutalac Zamboanga del Norte.
Ubos sa liderato ni PLTCOL Edwin D. Verzon, gihatagan og lektyur ang mga mag-uuma bahin sa batakang konsepto sa organic concoctions isip natural nga abono ug gipakita ang praktikal nga pag-andam sa yuta ug hustong distansya sa pagtanom sa Lakatan nga saging.
Gitambongan ang kalihokan sa Cocob Alsa Masa Farmers Association uban ang suporta sa barangay ug municipal nga opisyales.
Nagtumong kini sa pagpalambo sa kahibalo sa mga mag-uuma sa barato, malungtaron, ug epektibong pamaagi sa panguma aron mapataas ang ani, mapalig-on ang seguridad sa pagkaon, ug mapauswag ang kaugalingong paningkamot sa komunidad.(IKEN B. GULLEM)
Source: Zamboanga del Norte 2nd PMFC