Nagpadayon ang paningkamot sa mga personahe sa Salug District Jail sa pagpanalipod sa kalikupan pinaagi sa malampusong pagpatuman sa Scubasurero Initiative didto sa Barangay La Concepcion, Sindangan, isip kabahin sa CRSS Joint Activity nga gipangunahan sa Bureau of Jail Management and Penology Regional Office IX.
Ubos sa liderato ni JCSUPT Amado A. Concepcion Jr., CESE, Regional Director, ug sa pakigtambayayong ni JSSUPT Abner C. Zamora, ARD for Operations ug Provincial Jail Administrator sa Zamboanga del Norte, ang kalihokan naglakip sa Tree Planting, Coastal Clean-Up, ug Scubasurero nga gipahigayon sa nagkalain-laing lugar sa probinsya.
Ang Scubasurero activity sa Barangay La Concepcion, Sindangan nagtumong sa paglimpyo sa ilawom sa dagat pinaagi sa pagkuha sa mga basura nga nakadaot sa coral reefs ug sa kinabuhi sa kadagatan.
Kini nga inisyatiba kabahin sa mas lapad nga kalihokan nga naglakip usab sa coastal clean-up sa Barangay Sta. Cruz, Liloy, ug tree planting sa Barangay Poblacion, Salug. Apan ang Scubasurero sa Sindangan maoy usa sa mga highlight sa programa tungod sa direkta nga epekto niini sa pagpanalipod sa coral reefs ug panginabuhian sa mga mangingisda sa komunidad.(IKEN B. GULLEM)
Source: Salug District Jail-BJMP R9