Malampusong nahuman sa 3 ka Grade 12 students sa Zamboanga del Norte National High School (ZNNHS) ang ilang work immersion sa Provincial Information Center, diin nakabaton sila og aktuwal nga kasinatian sa komunikasyon sa gobyerno ug batakang buluhaton sa media.
Ang mga estudyante nga sila Christian Andrei M. Maghanoy, Dean Ross A. Saliring, ug Rochelle F. Gumalal nahuman sa ilang immersion niadtong Pebrero 11, 12, ug 13, 2026. Ang programa kabahin sa academic requirement sa senior high school nga naghatag higayon sa mga estudyante nga masinati ang tinuod nga palibot sa trabaho.
Sa ilang pagbansay, naapil sila sa pagsulat og balita, pagdokumento sa mga kalihokan, ug pagtabang sa opisina sa adlaw-adlaw nga buluhaton. Pinaagi niini, napalambo ang ilang praktikal nga kahibalo, disiplina sa trabaho, ug pagsabot sa responsibilidad sa usa ka propesyonal nga kahimtang.
Gipasiugda sa probinsyal nga panggamhanan ubos ni Darel Dexter Uy ang padayon nga suporta sa mga kabatan-onan pinaagi sa makahuluganon nga oportunidad sa pagkat-on. Gilauman nga ang maong kasinatian maghatag og dugang kumpiyansa sa mga estudyante samtang nag-andam sila sa mas lapad nga kalibutan sa trabaho ug liderato.(JENIFFER JR. DELICA)
Source: Zamboanga del Norte Provincial News Network