Ang Ordinansa no. 25-365 o nailang “AN ORDINANCE PROHIBITING THE RELEASE OF BALLOONS AND SKY LANTERNS INTO THE AIRSPACE WITHIN THE TERRITORIAL JURISDICTION OF THE CITY OF DIPOLOG AND PROVIDING PENALTIES FOR VIOLATIONS THEREOF” hingpit na gayud nga ipatuman human kini na-aprobahan atol sa regular nga sesyon sa Sangguniang Panlungsod (SP) kaniadtong nakalabay’ng Abril 8, 2025 didto sa SP Session Hall, ning siyudad sa Dipolog.
Ang maong ordinansa ang alayon niini sa tumong sa pagdili sa intensyunal nga pagpalupad sa mga ”balloons ug sky lanterns” sa kahanginan dinhi sa dakbayan sa Dipolog nga usa ka Coastal City, aron ma-protektahan ang palibot ug mapanalipdan ang kinabuhi sa mga Marine Mammals, Sea Turtles ug mga Sea Birds dinhi sa atong kadagatan ingon man sa kinaiyahan,kay kini nga mga butang gahatag sa polusyon ug hinungdan pa unya sa sunog.
Sigun pa sa nakalatid nga datos nga giluwatan sa “Sea Turtle Foundation”, adunay 100,000 ka mga marine animals ug mokabat sa usa ka milyon ka mga sea birds ang namatay kada tuig tungod lamang sa mga material waste nga makaon sa nahisgutan sa unahan.
Matud pa nga hugtanon kining gibawal sa pagpalupad ug mga balloons ug sky lantern nga kasagaran nga makita sa mga selebrasyon sama sa kasal, pista, lubong ug uban pang kalingawan,apil na usab ang mga pribado ug pampublikong mga kalihukan sama sa sport ug promotional events nga ipahigayon sulod ning siyudad.
Nasayran usab, basi sa Section 5, ilawom ning nasangpit nga ordinansa, “Responsibility of Establishments and Event Venue” nga responsibilidad sa mga nagdumala sa mga establisyemento sama sa hotel, resorts, convention centers, memorial gardens ug cemeteries sa pagpahibalo ug pagbutang sa mga pasidaan mahitungod na sa mga prohibisyon nga gilatid sa maong ordinansa.
Kung sikinsa mn ugaling makapakyas sa pagbuhat sa nahigutan nga ordinansa ang adunay silot diin gilangkuban kini A.) First Offense Fine of ₱1000.00 or (8) hours of Community Service, B.) Second Offense Fine of ₱3000.00 and C.) Third Offense Fine of ₱5000.00 and imprisonment of thirty (30) days for the third offense and for every subsequent offense.
Ang nahisgutan nga ordinansa base sa Akta Republika no. 7160 o “The Local Government Code of 1991”, diin ang Sangguniang Panglungsod ang gihatagan og gahum sa paghimo og ordinansa alang sa pagpanalipod ug pagpahamtang og silot alang sa mga buhat nga makadaot sa kinaiyahan. Kining nasangpit nga ordinansa ang gipangamahanan ni City Councilor Hon. Jonald C. Napigquit, nga gi-uyonan sa tanang miyembro sa SP ug gipirmahan ni City Mayor Darel Dexter T. Uy. (Angelica T. Obina)
Source: Dipolog City Government(CIO)