Mainitong mipaambit ang amahan ning dakbayan sa iyang State of the City Address (SOCA) si City Mayor Darel Dexter T. Uy kaniadtong Abril 24, 2025 sa may alas 2:00 sa hapon didto sa Dipolog City Sports and Events Center, Barangay Olingan, ning siyudad nga diin kini sa usa ka mahinungdanong kahigayonan isip usa ka amahan ning syudad alang sa nagpadayon nga kalamboan sa mamaayong kaugmaon sa dakbayan sa Dipolog.
Subay sa iyang mensahe,si Mayor Uy mipabati sa mga nahimo nga kalampusan sa dakbayan sa miaging mga tuig, nga nagtutok sa pagpalambo sa imprastraktura, serbisyo publiko, pagtubo sa ekonomiya, ug pagpalig-on sa pagpangandam batok sa kalamidad, lakip na ang nagpadayong kalamboan sa natad sa panglawas ug nutrisyon. Gihatagan usab niya og gibug-aton ang saad sa siyudad sa paghatag gahum sa mga kabatan-onan, pag-preserbar sa kinaiyahan, ug inclusive nga pagdumala.
Ang maong SOCA ang gitambongan sa daghang mga dinapit nga bisita mga opisyales, mayores ingon man mga hepe sa mga departamento,diin gahatag kini ug pagsuporta isip mga opisyal ug empleyado sa City Government, mga representante gikan sa National ug Local Government Agencies, mga opisyales gikan sa academe, mga miyembro sa nagkalain-laing NGOs, ug mga opisyal ug miyembro sa Sangguniang Kabataan Federation,ingon man anaa usab ang grupo sa organisayon sa mga kabatan-onan ning syudad.
Apil sa mihatag ug pagsuporta pinaagi sa pagtambong ang mga Barangay Councils sa 21 ka mga barangay ning dakbayan, media practitioners, prominenteng personalidad gikan sa dakbayan ug probinsya, private stakeholders, ug mga opisyal gikan sa militar, kapulisan, ug uban pang uniformed service.
Ang 2025 SOCA ang nahuman diin nanawagan kini sa mamahimung aksyon, nag-awhag sa padayon nga panaghiusa ug pagtinabangay sa tanan nga sektor sa katilingban aron makab-ot ang mga malungtarong katuyoan ug tiunay nga kalamboan alang sa siyudad sa Dipolog.(Angelica T. Obina)
SOURCE: DIPOLOG CITY GOVERNMENT(CIO)