Gipahigayon kagahapong adlawa, Abril 14, 2026 sa City Government of Dapitan ang unang public hearing aron dunggon ang opinyon sa publiko ug nagkadaiyang sektor kabahin sa mga proposed ordinances nga makaapekto sa palisiya, proteksyon sa kinaiyahan ug mga bayranan sa siyudad.
Gihimo ang maong hearing sa City Hall Amphitheater diin gihisgutan ang pagtukod sa Pawikan Management Committee ug regulasyon sa sea turtle interaction zones, proteksyon sa Philippine Tarsier sa Barangay Hilltop, ug amendments sa Drug-Free Workplace Ordinance.
Padayon usab ang sunod nga hearing karong Abril 16 nga maghisgot sa proposed adjustments sa bayranan sa public facilities ug serbisyo, lakip ang cottage ug comfort rooms, paggamit sa LED wall ug sound system, ug bayad sa sports ug health services.
Sumala sa mga opisyal, ang public hearing usa ka higayon aron madungog ang tingog sa katawhan ug masiguro nga ang mga ordinansa mahimong patas, epektibo ug makatubag sa panginahanglan sa komunidad.(IKEN B. GULLEM)
Source: City Government of Dapitan