Nipalig-on ang Department of Agriculture – Special Area for Agricultural Development (DA-SAAD) sa ilang data system pinaagi sa pagpadala sa National Program Management Office (NPMO) team alang sa data validation ug evaluation sa beneficiary profiling sa rehiyon.
Sa ilang pagbisita, gihimo ang courtesy call sa SAAD regional officials nga gisundan sa orientation sa field staff ug implementers alang sa umaabot nga profiling activity sa mga Farmers Associations, nga tumong sa pagkuha og updated ug tukmang impormasyon sa mga benepisyaryo.
Magsugod karong semana ang field profiling sa unang napiling Farmers Associations ug magpadayon sa sunod nga mga bulan pinaagi sa mga assigned SAAD Area Coordinators sa ilang tagsa-tagsa ka munisipyo.
Sumala sa DA-SAAD, ang maong proseso makatabang sa pagpalig-on sa planning ug paghatag og angay nga suporta sa mga mag-uuma pinaagi sa mas tukmang datos ug mas episyenteng implementasyon sa programa.(IKEN B. GULLEM)
Source: DA-SAAD ZAMBOANGA PENINSULA