Nagpadayon sa ilang inisyatibo sa panglawas ang Barangay Estaka, Dipolog pinaagi sa pagpahigayon og libreng “Operation Tuli 2026” karong umaabot Mayo 18, 2026 sa Estaka Session Hall.
Ang kalihokan pagasugdan alas-8 sa buntag hangtod alas-4 sa hapon ug bukas alang sa mga batang lalaki gikan sa barangay ug kasikbit nga komunidad.
Sumala kang Barangay Chairman Hon. Ervin Banga, ang maong programa kabahin sa ilang padayong paningkamot nga mapalapad ang access sa basic health services, ilabi na alang sa mga pamilyang adunay limitadong kapasidad sa pag-avail og medikal nga serbisyo sa pribadong klinika.
Gawas sa paghatag og libre nga tuli, gitinguha usab sa inisyatibo ang pagpalambo sa kahibalo sa kabataan bahin sa personal hygiene ug preventive healthcare, isip pundasyon sa mas himsog nga kaugmaon.
Sa laing bahin, gikinahanglan nga adunay kauban nga ginikanan o legal guardian ang matag bata sa adlaw sa kalihokan aron masiguro ang hustong pag-atiman ug monitoring human sa procedure.(IKEN B. GULLEM)
Source: Zamboanga del Norte Provincial News Network